AWA

Hola, el mio nome ye Awa, tengo 10 años y soi de Burkina Faso.

El mio país atópase al oeste d’África y formamos parte de la rexón de Sahel , eso quier dicir qu’una gran parte del país ye desiertu y ehí ye onde vivo colos mios seis hermanos y hermanes nel pueblu de Villy. Equí fai muncha calor, pero eso nun mos torga de salir a xugar colos amigos y amigues. Lo que más me presta del mio pueblu ye que nos conocemos toos, y si daquién precisa daqué, toos vemos la manera d’ayudar. Acompáñame y conoz más sobre la mio hestoria.

ANA

Hola, llámome Ana tengo 12 años, y vivo en Colombia nel departamentu de Caquetá, nun pueblín de llabriegos dedicaos a l’agricultura.

Préstame vivir equí porque toos y toes ayudámonos y trabayamos pol beneficiu de los demás. Mio pá morrió por mor del conflictu colombianu, nel mio país secuestraron a miles de neños y neñes y tarrezo que me pase a min.

ELENA

Hola, soi Elena y vivo en Xixón. Toi casada col dueñu d’un restorán na Plaza Mayor de Xixón dende va 20 años.

Vivimos mui bien nun mos fai falta nada, tenemos una casa cómoda, dos coches y una fía de 25 años que yá nun vive con nós. El mio home y yo tamos esfrutando d’esti periodu viaxando, dándonos caprichos que primero nun podíemos tener, somos mui felices. Pero d’esmenu llegó l’andanciu del COVID-19 y cambió too...

¿Qué preciso pa xugar a un Escapeweb?

Namás 4 coses: un dispositivu y restolador d’internet (como’l que tas emplegando agora), una conexón a la rede (tamién tas usándola nesti momentu), imaxinación y un pocu tiempu pa pasalo bien.

¿Pueo xugar dende’l mio móvil, tablet, portátil...?

Sí, pues xugar dende cualquier dispositivu nel que pueda executase un restolador, ten en cuenta qu’optimicemos el desendolcu pa ordenadores y tablets polo que vas tener una meyor esperiencia.

¿Cómo xugamos n’equipu si tamos en distintos dispositivos?

Cada integrante muévese llibremente per cada zona del xuegu pero, cola resolución del retu, la pantalla de xuegu actualizaráse automáticamente para que toles persones integrantes vean les nueves zones que se desbloquien, les pistes que se soliciten y los artefautos que van apaeciendo a lo llargo de la partida.

¿Cómo funciona’l tema de les pistes?

Ye bien cenciello, xunto al botón de resolver el puzzle qu’apaez al llau de cada puzzle (combinaciones de candaos, teclaos numbéricos, patrones de desbloquéu táctil, Cryptex, etc) apaez un botón con una bombilla. Si calques nél y el sistema d’Intelixencia Artificial considera que la necesites, va poder date hasta cuatro pistes (por puzzle) p’ayudate a resolvelu.

¿Qué pasa si nun consiguimos acabar el xuegu a tiempu?

Nun pasa nada, nun-y lo diremos a naide. Vas poder siguir xugando tol día de güei. Nengún xuegu ye imposible de resolver.

¿Qué pasa si pierdo la conexón a internet?

Nun pasa nada, pa entamar el xuegu precises un URL d’accesu únicu (o códigu de xuegu) que vamos apurrite de la qu’entamamos. En cuantes que lo introduzas nun restolador (nel mesmu dispositivu o n’otru cualquiera) vas poder siguir xusto per onde lo dexasti.